inyuasha-k-a-h.1995

 

inyuasha-k-a-h.1995

الرئيسيةاليوميةس .و .جبحـثالتسجيلدخول
تم افتتاح منتديات انيوشا الخاصة ونرحب بالزائرين

شاطر | 
 

 بعض أشعار صلاح جاهين

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
SaNdReLlA
عضو متطور
avatar

جنسيتك : مصري
الأخلاق :
100 / 100100 / 100

انثى الجدي الخنزير
عدد المساهمات : 113
تاريخ الميلاد : 12/01/1996
تاريخ التسجيل : 03/06/2009
العمر : 21
الموقع : Egypt-Mansoura
العمل/الترفيه : Singer
المزاج : Romantic

مُساهمةموضوع: بعض أشعار صلاح جاهين   الخميس يوليو 30, 2009 4:52 am

*******************************************

يا عندليب ماتخافش من غنوتك
قول شكوتك و احكي عن بلوتك
الغنوة مش هتموتك إنما
كتم الغنا هو اللي هيموتك
!عجبي

**************************************
يا للي بتبحث عن إله تعبده
بحث الغريق عن أي شيء ينجده
الله جميل و عليم و رحمن رحيم
إحمل صفاته ... و انت راح توجده
!عجبي

*****************************************

غمض عينيك و امشي بخفة و دلع
الدنيا هي الشابة و انت الجدع
تشوف رشاقة خطوتك تعبدك
لكن انت لو بصيت لرجليك ... تقع
!عجبي

**********************************

أوصيك يا ابني بالقمر و بالزهور
أوصيك بليل القاهرة المسحور
و إن جيت في بالك ... اشتري عقد فل
لأي سمرا ... و قبري إوعك تزور
!عجبي

********************************

لو فيه سلام في الأرض و طمان و أمان
لو كان مفيش و لا فقر و لا خوف و جبن
لو يملك الإنسان مصير كل شيء
أنا كنت أجيب للدنيا ميت ألف ابن
!عجبي

**********************************

جالك أوان و عرفت مشي الجنايز
كيف شفتها يا عبد رب اللذايذ
قال: شفت شيل بالحيل فقير أو أمير
كما شالوا في الحمامير فواضي القزايز
!عجبي

*************************************

يا للي انت بيتك قش مفروش بريش
تقوى عليه الريح. يصبح مفيش
عجبي عليك حواليك مخالب كبار
و ما لكش غير منقار و قادر تعيش
!عجبي

**********************************


يا حزين يا قمقم تحت بحر الضياع
حزين أنا زيك و إيه مستطاع
الحزن ما بقالهوش جلال يا جدع
الحزن زي البرد ... زي الصداع
!عجبي

***********************************



أنا قلبي كان شخشيخة أصبح جرس
جلجلت بيه صحيوا الخدم و الحرس
أنا المهرج ... قمتو ليه خفتو ليه
لاف إيدي سيف و لا تحت مني فرس
!عجبي

**********************************

حبيت...لكن حب من غير حنان
وصاحبت لكن صُحبه مالهاش أمان
رحت لحكيم واكتر لقيت بلوتي
إن اللي جوّه القلب مش ع اللسان
!عجبي

******************************************

إيش تطلبي يا نفس فوق كل ده
حظك بيضحك وانتي متنكدة
ردت قالت لي النفس: قول للبَشَر
ما يبصوليش بعيون حزينة كده
!عجبي

*****************************************

الدنيا أوده كبيرة للانتظار
فيها ابن آدم زيّه زي الحمار
الهم واحد...والملل مشترك
ومفيش حمار بيحاول الانتحار
!عجبي

******************************************

بحر الحياه مليان بغرقى الحياه
صَرَخت خش الموج في حلقي ملاه
قارب نجاه!...صَرَخت قالوا مفيش
غير بس هو الحب قارب نجاه
!عجبي

**************************************

إنشد يا قلبي غنوتك للجمال
وارقص في صدري من اليمين للشمال
ماهوش بعيد تفضل لبكره سعيد
ده كل يوم فيه ألف ألف احتمال
!عجبي

***************************************

زحام وأبواق سيارات مزعجة
إللي يطول له رصيف...يبقى نجا
لو كنت جنبي يا حبيبي أنا
مش كنت أشوف إن الحياة مبهجه؟
!عجبي

*************************************

إيديا في جيوبي وقلبي طِرب
سارح في غربة بس مش مِغترِب
وحدي لكين وَنسان وماشي كده
وبابتعد...ما اعرفش...أو باقترِب
!عجبي

*************************************

فتحت شباكي لشمس الصباح
ما دخلش منه غير عويل الرياح
وفتحت قلبي عشان أبوح بالألم
ما خرجش منه غير محبة وسماح
!عجبي

*************************************


أنا الذي عمري اشتياق في اشتياق
وقطر داخل في محطة فراق
قصدت نبع السم وشربت سم
من كتر شوقي وعشمي في الترياق
!عجبي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
anya
Admin
avatar

جنسيتك : مصري
الأخلاق :
100 / 100100 / 100

انثى الميزان الخنزير
عدد المساهمات : 80
تاريخ الميلاد : 13/10/1995
تاريخ التسجيل : 22/05/2009
العمر : 21
الموقع : rasha-rizk.ahlamontada
العمل/الترفيه : الغناء
المزاج : هبله

مُساهمةموضوع: رد: بعض أشعار صلاح جاهين   الخميس نوفمبر 26, 2009 7:00 am

ههههههههههههه الأهبل طول عمره أهبل

_________________
[img:a947]http://dc03.arabsh.com/i/00161/ze539v9romnb.jpg[/img:a947]
[img:a947]http://dc02.arabsh.com/i/00167/4zf36q7es7nr.jpg[/img:a947]
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://inyuasha-k-a-h.mam9.com
امو شان

avatar

جنسيتك : فلسطيني
الأخلاق :
100 / 100100 / 100

انثى الجوزاء التِنِّين
عدد المساهمات : 26
تاريخ الميلاد : 01/06/2000
تاريخ التسجيل : 23/08/2011
العمر : 17
العمل/الترفيه : طالبة مدرسة 
المزاج : مسترخية

مُساهمةموضوع: رد: بعض أشعار صلاح جاهين   الأربعاء أغسطس 24, 2011 11:34 am

طول عمره أهبل Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://www.amona.wono.com
 
بعض أشعار صلاح جاهين
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
inyuasha-k-a-h.1995 :: .:.:. المنتديات الثقافية .:.:. :: × منتدى [ الأدب والشعر وعذب الكلام ] ×-
انتقل الى: